السلام عليكم
كيفكم ياجماعة الخير ,,,
حرص شاعر الغزل محسن الهزاني قبل قرنين من الزمان على ابعاد ولده الصغير عن الشعر الغزلي..وعن البنيات ..الطف الكائنات ..وعن علوم الخربطه ..
فكان يقفل عليه باب البيت حتى كان ذلك اليوم الذي شاف فيه الطفل فتاه جميله من بنات جيرانهم جت لأمه عشان تسرّح شعرها,,
فسأل امه: وش هذا يوه ؟
فقالت الام كي تبعده عن الاعجاب بالبنت : هذا رأس الذيب!!!
فقال الطفل معلقاً:
الذيـب مالـه قـذلـةٍِ هلهلـيـه...ولاله ثمـانٍ مفلجـاتٍ معاذيـب
والذيـب ماتمشطـه بالعنبـريـه...لاواهني من مرقده في حشا الذيب
فخافت الام من قول ولدها وهو ما خالط الحريم ولا البنات ,,ولم يصل الى مرحلة التغزل بهم
ولكنها عوامل الوراثة من ابوه محسن.. اللي حرص بعد ذلك ان يودي ولده الى (( المطوع )) عشان يتعلم ويخلي عنه الشعر والخربطه
وعندما راجع المطوع حروف الهجاء مع الولد اتفاجأ باجاباته
فعندما قال له: ((ألف)),,, رد الطفل:
ألفٍ وليف الروح قبل أمس شفناه.....غروٍ يسلي عن جميـع المعانـي
فقال: ((قل باء)),,,فأجاب الطفل:
الباء بقلبي شيد القصر مبنـاه.....وادعى مباني غيرهم مرهماني
فغضب المطوع وقال: ((قل طاء ياولد )),,,فأجاب :
الطاء طواء قلبي من البعد فرقاه....وياجعل يطوي قلبك الي طواني
طفش المطوع وقال: (( انقلع الله يكفيني شرك ))
ولما جاء أبوه ياخذه من عند المطوع أخبره المطوع باللي صار وقال: (أغسل أيدك منه...ولدك هذا مافيه حيله) -----> كلمة بوخميس
وأقتنع أن ولده (مولي .. بالغزل .. يعني .. ؟؟؟ ) .
وبعد ما كبر الولد زوجه أبوه راس الذيب.
هاذي هي الفية الشاعر الكبير محسن الهزاني...
الف وليف الروح قبل امس زرناهغرو ٍ يسلي عن جميع المعاني
والبا بقلبي شيد القصر مبناهوادعي مباني غيرهم مرمهاني
والتا تراني كلما اوحيت طرياهافز لو حلو الكرى قد غشاني
والثا ثلوم القلب ماحد ٍ بـيرفاهالا ان خلي من عذابه سقاني
والجيم جيته ماتردّى لمن جاهيقول : حي اللي عنالي وجاني
والحا حليّه يم نجران مرباهريم ٍ على نبت الدعث والمجاني
والخاء خليلي ماتجارح سطاياهبضامري علّق سطير العراني
والذال ذهب الحواجر بيمناهاصابعه تزهي الخواتم ثماني
والرا روايح ريحة المسك وياهريحة زباد ٍ فاح اوزعفراني
والزا زبر جمعه ولااحرز ملاقاهمال اجنبيّ يقول راعي المجاني
والسين سمّ الحال والعقل بصباهباربع محاحيل ٍ تجرّ السواني
والشين شبّهته طليع ٍ بحرياهمايشرب الا درّ عرب ٍ سماني
والصاد صاب القلب بالدرج مااخطاهقلت :آآه واعزآه دمي كساني
والضا ظبيان المها كلها فداهويلاه من ربي بحبه بلاني
والطا طويت الياس منّه ورجواهلو كان ساعفني فـباكر جفاني
والظاء ضنيت حالي ولافاهقلت الوداع وقال هذا مكاني
والعين عامين وانا ادور لاماهاجيه حذر ٍ الى غاب القمر والهداني
والغين غاب وفسّد الترف بعداهاجيه حذر ٍ بالغبا والبياني
والفاء فكّر ويش رايه وطرياههو حبّ قلب ٍ لومودّة لساني
والقاف قلت اقلط واخذ ماتمناهماشاف غطروف ٍ صخيف الثماني
والكاف كيفي طاب والحمدللهالى حصل قصدي ترى العمر فاني
واللام لايمني عسى الويل يفجاهماشاف الذي ربي بحبه بلاني
والميم ماوالله لقينا حلاياهلافي البدو يذكر ولافي المباني
والنون نوره من سرى الليل جدّاهمثل الفنر والا القمر يوم باني
والواو يوم ٍ على السطح وياهاشرب من مبيسم رهيف الثماني
والهاء هيّضني بها زين شقّاهكنه لطرّاه الهوى معشراني
ولام الف لايمنى صفعته وقال آآهلايابعد من لي قريب ٍ وداني
والياء يسقّيني معسّل شفاياهولو جفيته عايفه ماجفاني
تحياتي سسسسسسسسسسسسسسسسسسسسسسسسسسسسسسسسسسسسسسسسسسسسسسسسسلملم
