أن طحت ياراسي تطاولك الاقزام
وأن قمت قامت تعتنقك السحابه
أليا صمدت اتشيلك امتون وعظام
وان طحت جعلك فدوة للذيابه
ترى التعب زايل ولو طول أعوام
لابد من عند الولي أنقلآبه
ياكثر من يزرع على دربي ألغام
وأليا دفن لغمه يموت بترابه
أطى على الحيه وهي سمها سام
وأفرح بذبحتها ربوع وقرابه
لو تكحل عيوني مقادير الايام
أإصبر ولو السم مر شرابه
أنا وفيت بوقت عاذل ولوام
كل على الهراج يشعب ركابه
من كان عمري تم خمسة عشر عام
وأنا خيولي مسرجه للحرابه
والله يلولآ هم بداخلي حام
لا أقوم للحراب هوش وطلآبه
أوفيت للخوة وركزت الاعلآم
وأخفيت جرحي لو يزيد ألتهابه
والغالي اللي لا برد جاشي وهام
هذا القمر وجهه وليله حجابه
أليا طلبته عارف أن الطلب هام
وأن غاب عارف وش سبايب غيابه
تسوقني يمه هواجيس وأوهام
وأشتاقله لا من نويت الكتابه
