هذه الرديه بين الشاعر العملاق سلطان بن وسام الهاجري و الشاعر العملاق عيد بن مربح
يقول سلطــــــــان بن وســــــــــــام
الا يابحر يابحر الخليج اللي علـى شاطيـك
غلاه اغلى من امواجك ولولوك ومرجانـك
وانا يابحر يوم افز لامـن مرنـي طاريـك
على شان الغلا اللي فطرفك ماهو على شانك
تحياتي وشوقي يامضارب عبس ذيك وذيك
اسج الرجل يمك والتفت في بيـت جيرانـك
رعاك الله يابيت ٍ ليـا مـن بغيـت أجيـك
توقفنـي تقاليـد القبـايـل دون بيبـانـك
ياليتك ليل الاسود كان اسجك بالقدم واسريك
لكنك بيت طين وحاجتي من بيـن جدرانـك
حفظت الجوهر الغالي وفي سبة غلاه اغليك
الا ياكثر حبـي لـك الا يصعـب نسيانـك
عزاي اليا ذكرتك حاضرك ماهو مثل ماضيك
ذكرت الفيضه الي تجمع الاحبـاب بوزانـك
تعنيني لك الذكرى واجي من ديرتي ناصيك
ابعطر قصيدي من شـذا وردك وريحانـك
رد الشاعــــــــــــر عيد بن مـــربح
الا يابحر يابحر الخليج بكـل شـي افديـك
عساي اول جنودك لاقبس عجـك ودخانـك
ليا باعوك عشاق الهوى باغلى ثمن نشريـك
من رياضك ليا كويتك لبحرينك ليـا عمانـك
ليا ناديتنـا باسـم العقيـدة يابحـر لبيـك
باسم دوحتك والا باسـم اماراتـك وسكانـك
اسال الله من شر الكوارث والفتـن يحميـك
ويعز القادة اللي طـوروا وضعـك وبنيانـك
وانا يالعاشق المجنون مالومـك ولا معفيـك
ولا حرك شجوني غير غطرستك وعنوانـك
ونيابه عن مضارب عبس للتوضيح والتشك
يكابقرأ سورة البقرة وابمسك حلق شيطانـك
وانا لولا مضارب عبس ماارسلت الندا لأذنيك
ولولا بحر الخليج مجنـب سوقـك ودكانـك
مضارب عبس فيها عبس ماهي لعبة بيديـك
لو انت مطالع جيرانها صاحـوك ورعانـك
لو اسير على بيتك واطالع جارتـك يرضيـك
حسب سلم القبايل والعقيدة هـات برهانـك
وتحياتي وتقديري ولا تسري بـدون بريـك
واسالك ياعظيم الملـك توفيقـك وغفرانـك
