(( الكفـــــــه ))

تاريخ التسجيل : 25/11/2008

مختارة للشاعر الكبير / عيد بن مربح (شاعربني عبس ) ، وهي (منقولة) اقدمها لكم على أمل ان تنال رضاكم

بديت بآسم مكون الأنس والجان = بأسمه يعاهد كل جنٍ مرودي

وردٍ على ماقاله فلان وفلان = ضعوف النفوس اللي تغث الكبودي

تاريخ متجرد وتأليف عميان = كنه على ظلم العباد محدودي

أخص من سطر بالاحقاد ديوان = حقود والمصدر كتابة حقودي

اليا أنعدم مبدى العقيده بالانسان = يقدر يسوي مايسوي اليهودي

ولأهل الوفا والصدق شكراٍ وعرفان = وتحيةٍ عطره وباقة ورودي

نعم رشيدي من بني عبس غطفان = من قيس ابن عيلان شجرة جدودي

تحت مسمى عبس واشجع وذبيان = تلقى عنا ويني ومجدي وجودي

هرجٍ على صدق وحقايق وبرهان = حقايقٍ تدمغ دماغ الجحودي

حقايقٍ تروي معاني خبر كان = بخطوط كوفيه بصم الحيودي

حصل المنافس والسبب سبة حصان = سبة فرس وحصان راحت فهودي

وجانا بغا التركي ودارن الاكوان = دون الكرامه والوطن والعدودي

ومر الجفاف وراحوا البدو فرقان = كل ٍ طوى بيته بظهر القعودي

وزاحوا لنا من غبر الايام فرسان = احدٍ حدر وأحدٍ توجه سنودي

شالوا على فلك البحر لأم درمان = يبون وديانٍ سقتها الرعودي

ثم استقروا بين كسلا وحلفان = يتلون شف مطيرات البدودي

ونزلٍ نزح للسيف راضي وقنعان = من البحر للدبدبه للنفودي

قوم ٍ لهم في ساحة المجد ميدان = يوم ان كلٍ دون حده يذودي

صالوا وجالوا واستقروا بهدلان = دار الصباح اللي تلم الوفودي

ونزلٍ تورث منزلة عبس بأبان = ونزلٍ بوادي السر سوى السدودي

وفي كل دار ألنا موارد وعربان = وتاريخنا بارض العرب له وجودي

وحنا بقينا بالمنازل والاوطان = بأقسى الظروف مواصلين الصمودي

ترمز لنا الكفه هويه وعنوان = الناس تعرف والعواني ترودي

يوم الجزيره بين تسعين شيطان = نطعن ونطعن دون هاك الحدودي

من المدينه حدنا ضلع حبران = مايمرها الا من خضع للقيودي

ومن حرة الكوره لشرقي مرغان = بعد امرنا يردون ماها الورودي

ومن ذاق ضرب سهونا راح ندمان = يموت مافكر بلم الجرودي

اسلاحنا قو العزيمه والايمان = والا عددنا بالحساب معدودي

ودخيلنا ممن عن الضيم ما يهان = وسلامته نبذل وراها الجهودي

وخوينا مايكظم الغيض زعلان = وقصيرنا نعطيه حقه وزودي

حنا هل المعروف ورجال الاحسان = قومٍ نجود اليا أنعدم كل جودي

وأمجادنا غصبٍ على كل مرضان = شعاع ذري في عيون الحسودي

ويوم ارسل الله مسلما لم الاخوان = سرنا ورى صقر الجزيره جنودي

من ضمن جيش الفيصلي نسل عدنان = والله يشهد والخلايق شهودي

وننعم بحكم محاسبة كل غلطان = ولا عاش من يجرح كرامة سعودي

تاريخ التسجيل : 13/11/2008

شكرآ لك على مساهمتك الفعاله والمجهود الذي تقوم به في المنتدى كما أتمنى بذل المزيد من الجهد هذا ولك جزيل الشكر ؟؟؟؟؟

تاريخ التسجيل : 15/12/2008

مشكور ابن بويدي على المشاركات الرائعة والتواصل المســـتمر

و صح لسان شاعرنا عيد وتعتبر من اجمل القصائد لعيد بن مربح

تقبل مروري

اخوك / ضلع قنوات