الذيب لا من حـل بالديـرة عـدا=والديـره ليـا حـل فيهـا شلهـا
يبي العشاء بالدار ما يحـب الغـدا=لو أن بعض الـدار منـه ذلهـا
والرجل لا منه مشا مشيـه جـدا=والدغمـره واللفلـفـه يزلـهـا
وأنتا وأناء كلٍ على العـد يحـدا=والناس تعرف دقهـا مـن جلهـا
ومن حولنا من حولنا سمع النـدا=اللي نـزل واللـي بعالـي تلهـا
بس استريح وخل في صدرك مدا=واستنبـط الأمثـال مـن محلهـا
واعرف ترى مامن الردي إلاالردا=لو طاب يوم اليوم الآخـر علهـا
وإلا تـرى الطيّـب ليامنـه بـدا=لازمك فـز وخوتـه مـا تملهـا
لا طالت الفرجة وطال به المـدا=قـام يتجـدد بالليـالـي كلـهـا
وراعي المثل في كلمته ولها صدا=يقول فـلأرض العريضـة فلهـا
شبـرٍ مـن البيـدا كيـادٍ للعـدا=واللي عقد روس الحبـال يحلهـا
والدرب صعب وفيه حدرى وسندا=ولا كل شجرة تهتني في ضلهـا
وأبا أسألك وأعرف سؤالي من بدا=كـل الديـار تشوفهـا وتدلـهـا
ياسيد الأعراب وش موقـع هـدا =وهي تحتهـا خـط وش تعملهـا