[ندعوك للتسجيل في المنتدى أو التعريف بنفسك لمعاينة هذه الصورة]هناك أبيات تميزت بملامستها لأعماق الناس وقربها من همومهم وقضاياهم حيث جاءت بأسلوب مطابق لما يريدون التعبير عنه فظلت عالقة في الأذهان والعقول وحفظها الناس وتناقلوها حتى يومنا هذا لتضرب بها الأمثال في الأحداث والمناسبات المشابهة، ومما قيل في الحكمة والنصح والارشاد هذه الدرر الثمينة من المقتطفات الشعرية:
أحفظ دبشك اللي عن الناس مغنيك = اللـي ليـا بـان الخلـل فيـك يـرفـاك
وأعرف ترى مكـة ولاهـا بناخيـك = لو تطلبه خمسة ملاليم مـا أعطـاك
والحـر مثلـك مـا يصحـب الـديـك = وإن صاحبه عاعا معاعات الأدياك
بركات الشريف
لاعـاد مـا للرجّـال رأيٍ يـدلـه = يأخذ من أشوار الرجال دليل
الشريف جري الجنوبي
مـن عـوّد العيـن المنـام تعـوّدت = ومن عوّد العين المساري تعـاود
ومـن عـوّد الصبيـان أكـل بيـتـه = عاودوه في عسر الليالي الشدايد
راشد الخلاوي
النوم رأس اللـوم بـان الـردى بـه = واللي يبي الطولات نومه شلافيح
الذيـب مـا يـرقـد ورزقــه نهـابـه = يـدوّر الـغـرات عـنـد المصالـيـح
واللي يبا الطـولات يتعـب ركابـه = والعز بأكوار النضـا ياهـل الفيـح
مريبد العدواني
فـتـى بـــلا عـــزم حـيـاتـه مـذلــة = والعـزم لقـلـوب الـرجـال طبـيـب
من لا صبر بالعسر ما ذاق يسرها = وبـاب الـفـرج للصابـريـن قـريـب
محمد الأحمد السديري
مقام الفتى في منصب العز ساعـة = ولا ألف عام يصحب الذل صاحبه
راشد الخلاوي
المـراجـل مـــا تـهـيّـا هالـسّـويـا = كود من عض النواجذ في سنونه
عبدالله القريفة
الظفر ساعه وإن حلّ ماجوبـه = والمراجل لها حزّات ورجالي
ضيدان العارضي
الـحـمّـرة تـــدرك مـعـوشـة عيـالـهـا = وألا الرجل يبغى منه بعض الأحوال
خلف أبو زويد الشمري
ليا صار ما توفي عميلك من الصاع = مـا ينقعـد لـك عنـد حصـن النواهيـم
شبرٍ من البيـداء يعوّضـك بالافـزاع = وسـود الليالـي يبعدنّـك عـن الضيـم
سعدون العواجي
من لا يديس الرأي من قبل ما ديـس = علـيـه داســـوه الـعـيـال الـقـرومـي
ومن لا يقلّط شذرة السيف والكيـس = يـبـدي علـيـه مــن الليـالـي ثلـومـي
والقصر ما يصلح على غير تسييس = ومــن لا تعـلـم مــا تفـيـد العلـومـي
تركي بن حميد
الناس ما تسقيـك لا صـرت عطشـان = ولا يشرب المضمي كود من ذراعه
أضرب على الكايد ليا صرت بحلان = وعند الولي وصل الحبـل وإنقطاعـه
عيبٍ على اللـي يتقـي عقـب مـا بـان = وعيبٍ طمـان النفـس عقـب إرتفاعـه
عبيد العلي الرشيد
مـن حــل دار الـنـاس حـلّـوا ديــاره = لابــد مـــا تـسـكـن ديـــاره ويـغـبـن
ومن شق ستار النـاس شقـوّا ستـاره = ومن ضحك بالثرمان ضحك بلا سن
شالح بن هدلان
حـيٍ يـورّيـك المـذلـة وتغلـيـه = أنا أشهد إنك ميت القلب عامي
من لا يـوّدك لا تـوّده وترجيـه = أرفع مقامك يا عزيز المقامـي
محمد الأحمد السديري
الضرس يبغى له عن السهر مقلاع = حتـى تنـام العيـن مــا هــي طـلابـه
خلف الأذن
أنا أشهد إن بقصرة الرجل نوماس = لا صار مـا للرجـل داعـيٍ دعاهـا
مبارك بن عبيكة
لا تأخذ الدنيا خراصٍ وهقـوات = يقطعك من نقل الصميل البرادي
لك شوفةٍ وحده وللناس شوفات = ولا واديٍ سيلـه يفيـض بــوادي
عبدالله بن سبيّل
لا يأمن المظهود جمـع المعـزة = ولا يأمن الجمع العزيز الظهايد
أيضا وبيت الفقر لا يأمن الغنى = وبيت الغنى لا يأمن الفقر عايـد
راشد الخلاوي
يا بايعٍ جوخٍ على غير أهاليه
مثل الذي ينزل بقصرٍ خرابه
ولد الردي لو طاب لك لا تماشيه
يومين والثالث يبين الردى به
مشعان بن هذال
لـعـل قـصـرٍ مــا يـجــي لـــه ظـلالــي
ينـهـد مــن عـالـي مبـانـيـه لـلـسـاس
لا صــار مــا هــو مـدهــلٍ للـرجـالـي
وملجأ لمن هو يشكي الضيم والباس
محمد الأحمد السديري
الأجواد إن قاربتهـم مـا تملّهـم
والأنذال إن قاربتها عفت ما بهـا
الأجواد وإن قالوا حديثٍ وفوبـه
والأنذال منطوق الحكايا كذابهـا
الأجواد صندوقين مسك وعنبـر
ليا فتحت أبوابها جـاك مـا بهـا
والأنذال لو غسّلوا ايديهم تنجّست
نجاسة قلوبٍ ما يفيد الـدواء بهـا
محمد المهادي
أحدٍ على جاره بختـري ونـوّار
وأحدٍ على جاره صفـاةٍ محيفـه
خطو الولد مثل البليهي ليـا ثـار
زودٍ على حمله نقل حمـل أليفـه
وخطو الولد يا مال قصّاف الأعمار
لا نافـعٍ نفسـه ولا منـه خيفـه
مقحم النجدي الصقري
شبعنـا وشبـع الـذّر مـن زاد سـورنـا = ولـلــذّر فـــي زاد الـكــرام مـعــاش
يعطي العطى من كان ضاريٍ للعطى = ويمـنّ العطـى مـن كــان خـالـه لاش
ومـن لا يعـرّب منسبـه قـبـل منشـبـه = تــــروح عـلـيــه عـيـلانــه بـــــلاش
شـقــير الدويش
لا تأخذ الهزلا على شأن مالها = ولا تقتبس من نارهـم بالوقايـد
لا تأخـذ ألا بنـت قـومٍ حمـيـده = لعـل ولـدٍ منهـا يجـي بالفوايـد
راشد الخلاوي
أبا أنذر اللي من ربوعي يبا الطيب
لا يأخذ ألا من بيوت الشجاعه
يجي ولدها مذربٍ كنّه الذيب
عزٍ لأبوه وكل ما قال طاعه
وبنت الردي يأتي ولدها كما الهيب
غبنٍ لأبوه وفاشله بالجماعه
يا كبر زوله عند بيت المعازيب
متحريٍ متى يقدم متاعه
شالح بن هدلان
الطيب ما هو بس للضاعنينـا = قسّم على كل الوجيه المفاليح
بداح العنقري
ما مال ألا فارغٍ من زبرها = ولا حي ألا مقتفيه المماتي
سعدون العواجي
لولا الهرم والفقر والثالث الموت = يا الآدمي بالكون يـا عظـم شأنـك
لولا الثلاث وشأن من قدّر الفوت = نفـذّت كــل الـلـي يقـولـه لسـانـك
محمد الأحمد السديري
أيـامـنـا والـلـيـالـي كــــم نعـاتـبـهـا = شبنا وشابت وعفنا بعض الأحوالي
بديوي الوقداني
نعد الليالي والليالي تعدنـا = العمر يفنى والليالي بزايد
راشد الخلاوي
شـابـت لحـانـا مـــا لحـقـنـا هـوانــا = وعزي لمن شابت لحاهم على ماش
مناحي بن معدل السهلي
وأخير منها ركعتين بالأسحـار = لا طاب نوم اللي حياته خساره
تركي بن حميد
يا دحيم ريضان الجماعـة مريفـه
واللي مع الأجناب كنّه على نـار
الطير بالجنحـان مـا أحـلا رفيفـه
وليا إنكسر حدا الجناحين ما طار
ويمنى بلا يسـرى تراهـا ضعيفـه
ورجلٍ بلا ربعٍ على الغبن صبّار
عبدالله بن سجوان الرويس
والله يـا لـولا العظـم يومنـي أمــلاه = أكويـه بالجمـرة ويكـوي جـروحـي
مع دلـةٍ صفـرا علـى النـار مركـاه = أقصر بصبتهـا علـى كيـف روحـي
فنجالهـا يشـدي خضـاب الخـونـداه = الجـادل اللـي عنـد أهلهـا طموحـي
عـدّه لمـن يثـنـي خــلاف المـخـلاه = فـكـاك بالضيـقـات راع اللحـوحـي
وعــدّه لـقـرمٍ مــا تـونــي مـطـايـاه = يضوي ولو صكـت عليـه النبوحـي
وعــدّه لـمـن تـدفـق السـمـن يمـنـاه = عيـدٍ لربـعـه بالـزمـان الشحـوحـي
وباقي الرجال فحول نسوان ورعاه = ضبـاط مـال وحافظيـن السـروحـي
ذعار بن مشاري بن ربيعان
يا عين هلي صافي الدمع هليه = وليا انتهى صافيه هاتي سريبه
اللي يبينـا عيّـت النفـس تبغيـه = واللي نبي عيّا البخت لا يجيبه
نورة الحوشان
.... منقول لعيونكم ....
