[ندعوك للتسجيل في المنتدى أو التعريف بنفسك لمعاينة هذه الصورة]هــذه الـقــصــة قريتها في جريدة الرياض برواية صبار العنزي :
فيه شايب اسمه حمدان من الباديه ...هوااااوي وماتمر عليه بنت الا قام يقزها ويتغزل فيها هذا وهو شايب <--يازينه لاصار شايب وملكع
المهم هو مشهور بالامر هذا...وحده من البنات سمعت فيه وخابرة ٍ طبعه قالت بنفسها بروح امر على حمدان وامزح معه وبشوف ردة فعله..
وفعلا ً راحت
البنت: السلاااااام عليكم....كيف حالك يالشاااااايب؟؟
الشايب: ..... <--ماامداه يرد السلام الا يوم اقفت وخلته من دون استئذان او حتى انتظرته يرد السلام
(تستهبل عليه)
ياقلبي الشايب انقهر ونقد عليها وكتب ابيات مضمونها انها ذكرته بأيام الشباب وكان هي ماعطته وجهه فهو بيموت من هواه ويحلق اخوه حمود
ويقول :
يابنت خوذي خاطري وارحميني...
................لا تجرحين العود بعيونك السود
غضي نظرك وغطي الوجـنتيني...
................لعل يوم ٍ جدد الجرح ما يعـــود
يوم انتهى مع مرمسات السنيني...
................جتني صواديفه على غير مقصود
بأول شهر عـــشره نهار الثنيني...
...............حمدان مروا به على جنـــازة حمودالبنت كملت استفزازها لشايب وردت عليه وهو مادرى انه طاح بلسان شاعره وهي كان ايضا مقصدها انها تجاريه بالشعر لمعرفتها بشاعريته ..فقالت:
ياشايب الرحمن وينك و ويني؟!..
................عزي لحالك قدمك الباب مسدود
قلبك عطوف وجاه قلب ٍ متيني...
................البنت ماتشفق على مغـازل العود
حبل الرجا مقطوع بينك وبيني...
................مثل الغليث اللي رعا قلبه الدود
اقفى شبـــابك والعرب مقبليني...
................ياعـــود مايرجع من العمر مفقود
لاااااااا حول تحطم شايبنا ياعين حيي ...وعلى وزن(تف عليتس حامضه)
كتب لها ابيات يقول فيها ان ماله بالمغازل وهالامور بعد ماعرف انها ماراح تعطيه وجه
يابنت صدي بالعيون الضليله...
...............لا صد عنك الله نهار القيامه
مالي ومالك يالفروع الطويله...
...............لو فيك من رسم البداوه علامه
يابنت مالي بالثمـــانين حيله...
..............اهدف كما تهدف على البير قامه
اقفى شبابي والدهر شفت ميله...
...............يالله حسن الخــاتمه والسلامه
اعطيك موجز والبضاعه قليله...
...............واخذت لك من صافي الماء سنامه
وراااااااحت الايام والشايب للحين يفكر بالبنت وحاااز في خاطره قولتها(البنت ماتشفق على مغـازل العود) المهم البنت بعد مده مرت من عنده و سلمت عليه(واستفزته) وراحت وتركته<--عاد بوشو استفزته الله اعلم
اندبلت تسبد الشايب خلاص ماعاد ورى.. فقال: ليش ماابين لها انه بيجي يوم وتشيب مثلي وانا حتى لوشيبت رجال وطيب ومعروف بالكرم وانا اصلا ماابي منها الا التحيه والترحيب <----مو بعاقل هالشايب
كتب لها ابيات وارسلها مع عجوز وقال ان وصلتيها للبنت بعطيك هديه وفعلا راحت العجوز للبنت وعطتها الرساله وكان مكتوب فيها :
يابنت ماجاك الكبر والخشونه...
...............وعادت شباب اليوم يجفل من الشيب
يا سرع ماوبلك تمزّع مزونه...
...............يا الفـــاتنه يا أم الثمان الرعــــابيب
يابنت مابيني وبينك مهـــونه...
...............كلمة شرف..نبي تحيه وترحــيب
اللــــه من عود ٍ ثقيله طنونه...
...............ينــصاه راع المشكله والمواجـــيب
على الكرم والدين نفسه حنونه..
................تلقاه با الاجواد شرق وتغـــاريب
البنت قرت الابيات ومسكت العجوز وصكت عليها وقالت: والله ماتطلعين الا انتي آخذه رد الابيات اللي جبتيها...وكتبت البنت ابيات للشايب وارسلتها مع العجوز وقالت فيها....
العــود عود وطــايحات ٍ سنونه...
................من كثر مايرقد على جرة الذيب
عود ٍ مهرقل والعرب مايبـــونه...
...............ياعود مالك في طويــــل المراقيب
اقفى شباب العود راحت احتونه...
...............مثل اليتيم اللي بكــــــا ماله مجيب
جــداه ينثر دمعــة ٍ من عيونــه...
................غريق موج ٍ مالقى له مقـــاضيبحطمت الشايب وكسرت بخاطره ولا رحمته حتى يوم حاول يستعطفها
......
منقول .
