يا وافيه طيبك معي كيف أجازيـه
لصار طيب ٍ من حبيـب لحبيبـه
والله ما درى ويش أجازيك أنا فيه
تـدللـي واللـي تبــيـــنـه أجيـــــبـه
يرخص لك الغالي لا منك طلبتيـه
ولعيونك تهون الأمور الصعيبـه
ما عندي أغلا من خفوق ٍ ملكتيه
وأصبح حلالك من سعادة نصيبـه
لا عندي أغلا من قصيد ٍ عشقتيه
يا جمرة الهام القصيـد ولهيبـه
طبع الوفاء طبع ٍ لبـوك ورثتيـه
شيخه ومنك الطيب ما هو غريبه
بنت الذي يشهد بطيبـه معاديـه
شيخ ٍ يهـــابـه بالملاقـى حريبـه
من طيب أبوك الله يبيحه بماضيه
كل ٍ سمع صيتـه وكـل ٍ دريــبـه
الله يديمك كـل مـدح ٍ زهــيـتيـه
من راسك لما طاك عفـه وطيبـه