محشش فاتح منتدى

تاريخ التسجيل : 21/12/2008

محشش فتح منتدى شوفو الشروط اللي حاطها هع هع

قد تغيرت شروط التسجيل في المنتدى
وتم تغيير مسمى المنتدى لتواكب مرحلة ما بعد الحرب الباردة
اعرفوا الشروط زين....وافهموها
واللي ما يبي هالشروط جعل اصابعه اللي طقت على الكيبورد
الكسر
ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا
بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع
فاللي يبي يسجل معنا يوافق على الشروط من ورى خشمه
والشروط هي...
1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه باقرب طعس
قايلكم حنا ما نلعب
2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز
وابحجز له على اقرب رحله على طياره ترش الجراد وابرقى فيه على ارتفاع 50000 الف قدم
وبرضخ به على خوص نخله...علشان ما يعود لها
قايلكم حنا ما نلعب
3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين..
فهمتوا ولا افهمكم...
4- مسموح الذب...والذب هي كلمه اتيه من الذباب وهي فعل مضارع جمع تكسير مضارع
بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش
فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه
عشر....ايه تسعطعش...ساحتنا وحنا حرين فيها
5- اللي بيسجل باسماء قبايل وعوايل...والا مخله بالادب....هذا بنوديه لا أقرب شيخ وبنكويه
..وبعدين بناخذه لأقرب قليب...وبنغطسه وبنطلعه...ونغطسه ونطلعه إلين مايقول....
اشهد ان الددسن سياره.. قايلكم ما نلعب...
6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل
معنا يرسل لي إيميل على التلفون حقي اللي ماني ذاكره لكم...لان الدعوه عناد .
واللي براسه حب ما انطحن....تراي ابطحنه له....واذا فيه خير يقابلني وين ما يبي.
ملاحظه:
اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي
خششهم كلمات متقاطعه يصعب حلها

.والله ما يضرب بعصا يا سرع طيحتهم
موافق.................
غير موافق...............
واللي فيه خير يكتب غير موافق

ااااااااااااههههههههههههههههههههه

من جد شروط خطييييييييييييييييييييره وش رايكم فيها ؟؟؟؟؟؟؟

اهداء للمدير العام

تاريخ التسجيل : 22/12/2008

هههههههههههههههههه
مشكور ياخوي والله يعين الاعضاء على كذا مدير

تاريخ التسجيل : 15/12/2008

هههههههههههههههه

من جـــــد شرووووط خطــــــيرة بالمرة !!

هذا من يبـــي يـــســـجل عنـــده اذا بدايــتــهــا كـــذا ينــعـــاف تـــاليـــهــــا

مـشـــــــكور العايضي على المشاركة الحلووووة

.
.
.
.

تقبل تحيــــــاتي

تاريخ التسجيل : 21/12/2008

فنتر أخو عنتر

ضلع قنوات

[ندعوك للتسجيل في المنتدى أو التعريف بنفسك لمعاينة هذه الصورة]