ممـو حرام..أني أشوفك
في عيوني تذبلين..
وانتي ورده...
وكل ها الناس طين..
لو للحظه..أسمعيني
وقومي يا الله سا عديني
واتركيني أنتشلها...
واو عدك ما تندمين
يا اللي ما جابت سنينك
ألا أنتي تشبهين..
كفي..حطيها فدينك
وللسحايب توصلين..
هـــــــــــــــم..
يشوفونك مجرد..
واحده للعالم..تغرد
وتمضــــــي..
با الوقت السفينه
وما دروا عنك..ضحكتي
ولا بتموتي حزينه..
أسالك با الله..يا نتي
لي متى وانا اشوفك
وسط نظرتهم ..سجينه
للا تروحي ولا تجين
وفيــني لا تستعجلين
ولا تشكي بي وتخافي..
ما طلبتك تعشقين..خافقي
وتروي جفافي...
لو اقول ..أتصدقين
عندي..والله كافي
أني أشوفك تشرقين
وتحتك الكون ..طافي

رب اخ لم تلده امك في هيئـة خـوي=ماتنتـهـي مـدتـه ولاصلاحيـتـه
وانا ماابغى من الشخص القويم السوي=الااحترامه لشخصـي فـي علانيتـه
والنفس قدتنطوي على ماقـد تنطـوي=ماني بربه اعرف اللي فـي نفسيتـه
حديث خير البشر في شرحـه النبـوي=اعمال كل امرئ علـى حسـب نيتـه
لكن لو ان راس مالي فالبنوك اضغوي=حمدت ربـي علـى نعمـة عبوديتـه
مثل الشبح الأحمر اللي عند مصطفوي=اللـي فريـدٍ فتركيـبـه ونوعيّـتـه
عشقت لي بنت واثر الليل ليل سـروي=وان روح الليل دربـي ويـش تاليتـه
واثر الغرام الذكـوري كنـه الانثـوي=متفشي وكـل منهـم فيـه خاصيتـه
قالت من انته من انته قلت رجل بدوي=ثقافته ماهي تعـارض علـى صيّتـه
جباننا لارتفع سهـم المنايـا يـا ويي=ظهر له بموقـف تفخـر بـه بنيتـه
قالت من رجال يام مزبنيـن الخـوي=قلت وولد عم ابـن حثليـن وحميتـه
قالت هل البيرق اللي حارب ابن جلوي=قلت العرب واعيـه وعلومنـا بيّتـه
قالت ياجن الغلا لو شفت ذيب يعـوي=قلـت اتعشـاه لعيونـش ياجنيـتـه
لكن ظلم السنيـن وقلبـي المكتـوي=تثـر علـى خـوة الطيـب وعقليتـه
يا فاتنه سكر زيـاده وسكـر شـوي=ابشـرب زيادتـه واشـرب شويتـه
احلى بنات المـدارس ثالثـه ثانـوي=ذاقهـا قلبـي وقلبـي لـه نظريتـه
عن خلقها لو درى وزيرنـا التربـوي=خلا مـن اخلاقهـا منهـاج تربيتـه
وفي وجهها الامتحان الصعب الشفوي=سماحة اب القتيل اللي رفـض ديتـه
وفي جيدها لذة المدن فعيـون قـروي=وفي قلبها طهـره وطيبـه وعفويتـه
هي همي الشهري وتحصيلي السنوي=المثـقـل بـنــزوات يومـيـتـه
ياجعلها تعيش حتى عقدهـا المئـوي=وتشارك القلب فـي فرحـة مئويتـه
الشين فأتفه زواياها حسنها منـزوي=بالعكس تشكي ظروف القهـر اقليتـه
والا على الزين حيل الله ياقلبي قـوي=الزين هي موطنه الاصلـي وجنسيتـه
خذيتها مـن يدينـي وجـات تهـوي=وصارت في يدي ماهي حيه ولاميتـه
لو اني الشجره اللي للغصون تحـوي=مافيه غصن ماهـي دابـه ولا حيتـه
لو انهـا الالتهـاب القاتـل الرئـوي=قلت الوعد جنة المسلم يـا حوريتـه
ايعزها الشوق لين تخضـر وتستـوي=وتعيش من حسنة المسلم ومن سيّتـه
واثارها بنـت حـوا فاتنـه وتغـوي =جت تاخذ الثار مـن قلبـي وذريتـه

ايــــــــــــه ابدويه ريحتى بن وبهـــــــــــــار

هذا شرف مــــــــــــاهو بحقى خطيـــه

انـــــا ابدويه بنت حرِ مــــــن احـــــــــــرار

فزعـــــــات ربعى بالشدايد قـــــــــويه

انــــا هلى يابنت وافيـــــــــن الاشبـــــــار

كــــــانك جهلتى من انـــــا ياغبيــــــه

ياجاهــله ماتغذى الشمـــــــس الانـــــــــوار

حنـــــــــا كما شمـــس على الارض ضيه

حنــــــا هل الطولات هيبـــه ومقـــــــــــدار

حنـــــــا مثل للشــــــــــرف والحمـــــــيه

حنـــــــا الطنايا للكرم رمز وشعـــــــــــار

حنـــــــــــا خوي مــــــايخلي خــــــــــويه

الذيــــــب يوم انه عـــوا وسط الاسعـــار

عشـــــــــــــــوه ربعى من سنين مــــــديه

يــــــــوم ان جدك وثق القفل بالــــــدار

بيـــــــــت الشعـــــر مفتوح صبح وعشيـــــــه

للضيـف ريف للمعـــــادين جبـــــــــار

نـــــــــــــــرد العياض ولانهـــــــــاب المنيــــــه

يابنــــت لو بكتب من اشعار واشعار

تعجـــــــــــــز معانى حــــروفى بجــــــــــديه

اللعب خـــــلى اللعب لعيال شطــار

لاتدخلين السيـــــــــــــــــل وانتى نـــــــــــديه

يابنـت يكفـي دخيلـك لاتبوسينـي=خلاص يكفي تـرى مليـت مشكـورة
وش لك بخدي يابنت النـاس فكينـي=عندي طريقة وهي ماهيب محظـورة
نامي على صدر ابوك وحيل ضمينـي=لو تصبح عظام صدري منك مكسورة
انتي أساساً مكانـك فـي شرايينـي=مشاركـة بالمحبـة والغـلا "نـورة"
ولاهي غريبة علـى مثلـك تحبينـي=لاني أحبـك وانـادي دوم عصفـورة
يابلسم جروح ابوك وفرحـة سنينـي=يامن لها بالضلوع وخافقـي صـورة
أهديت غيرك كلام رويشـد "اعفينـي"=وانتـي لـك بذمتـي "درة وبلـورة"
اموت في ضحكتك وانتـي ذبحتينـي=بلشة .. عنيدة .. وكتكوتة . وشطورة
أن جيت اريّح وانـام الليـل توذينـي=متسلطنة تضرب الجـدران بالكـورة
تلعب على عينـي الكـورة تورينـي=والله ولا سامـي الجابـر وجمهـورة
واليا بكت تنقلـب عنـدي موازينـي=دنياي من دمعها وأن سـال مذعـورة
كـن الـزلازل بصـدري والبراكينـي=قامت تفجر وكـن الـروح مخطـورة
واليا ضحكت قلت أنا بالسوق بيعيني=لو كان سعري ثلاث ريـال معـذورة
والله ما أحسد على ضحكك سلاطينـي=اموالهم في بنوك جنيـف محشـورة
انتي حياتي وعمري شمعـة سنينـي=ودي اشوفـك اليـا شيّبـت دكتـورة
ادواي لاجيت لك تعبـاااان ضمينـي=الوصفة اللي تـرد الـروح (مسرورة)

اترككم مع القصيده


وين انت يا حمدان امـك تناديـك=وراك مـا تسمـع شكايـا وندايـا
يا مسندي قلبي على الدوم يطريـك=ما غبت عن عيني وطيفك سمايـا
هذي ثلاث سنين والعيـن تبكيـك=ما شفت زولك زايـر يـا ضنايـا
تذكر حياتي يـوم اشيلـك واداريك=والاعبـك دايـم وتمشـي ورايـا
ترقد على صوتي وحضني يدفيـك=ما غيرك احدٍ ساكن فـي حشايـا
واليا مرضت اسهر بقربك واداريك=ما ذوق طعم النوم صبـح ومسايـا
ياما عطيتك من حنانـي وبعطيـك=تكبـر وتكبـر بالأمـل يـا منايـا
لكن خساره بعتني اليـوم وشفيـك=واخلصت للزوجه وانا لي شقايـا
انا ادري انها قاسيـه مـا تخليـك=قالت عجـوزك مـا ابيهـا معايـا
خليتني وسط المصحه وانا ارجيك=هذا جزا المعروف وهـذا جزايـا
يـا ليتنـي خدامـة بيـن اياديـك=من شان اشوفك كل يوم برضايـا
مشكور يا ولدي وتشكر مساعيـك=وادعـي لـك الله دايـم بالهدايـا
حمدان يا حمـدان امـك توصيـك=اخاف من تلحق تشـوف الوصايـا
اوصيت دكتور المصحه بيعطيـك=رسالتـي واحروفهـا مـن بكايـا
وان مت لا تبخل علـي بدعاويـك=واطلب لي الغفران وهـذا رجايـا
وامطر تراب القبر بدموع عينيـك=ما عـاد ينفعـك النـدم والنعايـا

شاب فقير خطب بنت عمه المليونير
وزود عمه طلباته عليه فقال قصيدة
وانا انقل لكم القصيده:


1- سبحان من يرزق بتوع الملاييـن = الرازق اللي ما يخيب الرجـا بـه-


2- لي عم عنده معـرضٍ للصواليـن = أموت واعرف بس من وين جابـه


3- وإذا سألته قـال بعـت الدكاكيـن = ما يدري إني ما هضمت الإجابـه -


4- الشاهد إني رحت له قبـل يوميـن = في قصره العامـر ودقيـت بابـه -


5- قال ارحب ارحب عدّ ورد البساتين = يا مرحبا باللـي لفـا يـا هلابـه -


6- قلت البقا عـدّ النفـل والرياحيـن = يا شيخ شمل اهل الكرم والذرابـه-


7- قال اسلم الله يحفظك لي من العين = وآمر أوامر حضرتـك مستجابـه


8- قلت الصراحة طالبٍ قرب غاليـن = ودي تزوجنـي كريمتـك يـابـه-


9- ثنّى وقال اهليـن والله وسهليـن = ودي تزوجنـي كريمتـك يـابـه-


10- لكن ترا عندي شـروط وقوانيـن = قلت اشرط اشرط يا حبيب الغلابـه -


11- قال أولاً مهر العروسـة ثمانيـن = غير الرسوم وغير حق العصابـه -


12- والثانية عمك يبي منـك سبعيـن = رسم الأبـوّة والنسـب والقرابـه-


13- وام العروسة حقها منـك ستيـن = عشانها ست الحسـن والمهابـه -


14- واخوانها كلن يبي منـك خمسيـن = عداً ونقـداً تنـدرج فـي حسابـه-


15- وخواتها الخمس اعطهن من ثلاثين = عشان تتوثـق عـروق النسابـه -


16- وتجيب طقم عيار واحد وعشريـن = وخاتم من الماس المصفى ترابـه-


17- واكياس متروسة كعوب وفساتيـن = ألوانهـا واشكالهـا مـا تشابـه -


18- وموتر بسواقـه وفيـلا بدوريـن = أثاثهـا مـن بطرتـه ينحكـابـه -


19- واحجز لنا قاعة بقصر السلاطيـن = واحجز بهـا رقاصتيـن وربابـه -


20- وامنع دخول اهل اللحى والبزارين = واعزم أميـر المنطقـة بالنيابـه -


21- هذي الشروط اللي على بالي الحين = وذكرني اللي ما حسبنـا حسابـه -


22- قلت اذكر الله يا عـدو المساكيـن = واستغفـره لا يبتلـيـك بعـذابـه -


23- الظاهر إنك منت عارف أنا ميـن = أنا لو ارقا فـوق متـن السحابـه -


24- ما جبت حتى نص درزن مواعيـن = واضحك بكيفك واعتبرهـا دعابـه-


25- شروطكم هذي شـروط المجانيـن = شروطكم شغـل ابتـزاز ونهابـه -


26- شروطكم تقصم ظهـور البعاريـن = شروطكـم همّـن وغـم وكآبـه -


27- شروطكم والله سيوف وسكاكيـن = تذبح بنات المجتمع مـع شبابـه -


28- وين الرضا والعطف واليسر واللين = اللي ذكرهـا الله بمحكـم كتابـه-


29- وين الصفات اللي أمرنا بها الديـن = وين اختفى نهج النبي والصحابـه -


30- يا عم جعل اللي خلقنا من الطيـن = يرد عقلك مـن خطـاه لصوابـه -


31- ويجعل نصيبي عند غيرك قل آمين = ويحسن عزا الصابر ويجزل ثوابه -



32- قال انت لو فكرت تفكير صاحيـن = ما شفت في مجمل شروطي غرابه -


33- حنا بعصـر العولمـة والمزاييـن = ماهوب عصر الفلسفة والخطابـه -


34- الناس تسعى للرتـب والنياشيـن = وانت اهتمامك بالشعـر والكتابـه-


35- والشعر ما ينفعك لو هو دواويـن = ما دام جيبك مثـل بيـت الخرابـه -


36- يا بوك لا تسمع كلام المصاخيـن = واسأل مجرب عاش في وسط غابه -


37- قلت الله اكبر يا محـرر فلسطيـن = من يسمعك يحسبك ذيـب الذيابـه-


38- تراك شايب راس مالـك رياليـن = والبنت ما تسوى جنـاح الذبابـه -


39- قال انقلع مالت على وجهك الشين = لا عاد اشوفـك عندنـا يالزلابـه -


40- قلت ابشر ابشر لكن الباب من وين = واقفيت من عنده على صوت بابـه-

اولا يشرفنا انظمامك الى منتدانا

ثانيا
تسلمين على الذوق الرائع ويسلم راع القصيدة



تحياتي

احلا شريك عساك ع القوه بس وش رايك بحركتي الجديده بالمواضيع

جميل جدا بس لو كل قصيده بعنوان مستقل افضل


وانت ماقصرتي تسلمين


والخيار الاول والاخير لك


الله يوفقك ويجزاك خيررررررررررررررررررر

تقبلي نقدي

خلاص حركه قديمه كل موضوع بروحه الواحد ماله خلق يدش ويطلع وكلامك ع العين والراس بس الناس تطوروا وتقرأ مره وحده الله لايهينك يااحلاشريك مدري وش معنى نكك ممكن اعرف

حركه جديده يابنت الريح انا اشهد انك بنت الريح الواحد ماله خلق يتصفح سيري والله يرعاك بعينه الجليله

بنت الريح
الله يعطيك الف عاااااااااااااافيه مثل ماقالت اختي
ريح الزعفراااااااان حركه وااااااايد جميله
تقبلي مروري