خــــــلـــــــيـــــــف:
سلامي ردية وانا طرقـي وادورلـي بعيـر
من عينة لي ياهل مهدالذهـب واهـل القـرى
شكلة جمل مثل الجمال وجرتة جـرة حميـر
كنة جمل لكن ذيلـة ذيـل العيـر مـن ورى
عــــــــــيـــــــــــد:
يامرحبا ياللي علي بعض الاثر شوفك طرير
مادام هذي شريـت المطنـوخ ليتـة ماشـرى
انا غني النفس ماطلب رزقي من مـد الفقيـر
ياطلع علي قمة كري وشوي ينزل مـن كـري
خــــــلـــــــيـــــــف:
حنا ليا منـا سمعنافـي المواقـف دق زيـر
لازم نزور من الزنوج اللي تطـق الطمبـرى
انت يجرك يمنا في مامضي سلـك الحريـر
ومطيـر ماتشفـق علـي سـوارح خيبـرى
عــــــــــيـــــــــــد
افتح عيونك للدواء ونحط لـك فيهـا ذريـر
واعلمك طبع الهنوداللي في هالوقـت اخشـرى
وبشاءة اللة غير ترغي يالجمل عقب الهديـر
اقري عليك مذكـرة واخفـي عليـك مذكـرة
خــــــلـــــــيـــــــف:
اهل الذبيحة من شواهـا ينطلـون ابوكبيـر
دايم يطشونة علي شـان الجـري وام الجـري
اللة رمي بك ياخوي جوف حفـرة زمهريـر
حلقك يذوق السم وانت تحسـب انـة سكـري
عــــــــــيـــــــــــد
لاطال سيفك بالقشر سيفي تري ماهو قصيـر
تشرب علي هداج والشيطان مكـرم وعـوري
ياللة تستر عورة المسكيـن بالثـوب الستيـر
ودوم حكم اخوات مريم هم وستـر الانـوري
خــــــلـــــــيـــــــف:
عادت حويل الخبل عينة كل ماشافت غديـر
قالت نبي نردة وهو ذاك السـراب الاعبـري
اليا وصلت الهاجري قلة يقول لـك الاميـر
بيني وبينة حضرةالمندوب خشمة فـي خـري
عــــــــــيـــــــــــد
انت تشوف الناس في عين تقل غوطي عصير
ماظن هذي من سعه هـذي عناويـن الـزري
والهاجري ماللة بلاه بخوتك حظة تري كبير
اليا وصلك المرسـول حبـة ثـم رد البـري
خــــــلـــــــيـــــــف:
احيان رزقك من ذرة واحيان رزقك من شعير
وان كان مايرضيك لك عندي طعام مزعفـري
انت ودكتورك وفيد خليـف دواس الصغيـر
وليا شريت سويكلي صاحبك يشتري بربـري
عــــــــــيـــــــــــد
شكرك علي حرشاء تركب بعدهاهاك السبيـر
اشرب يابن دواس والفنجال جـاك مزعفـري
لو انك ربو رجال ماجالك من المغرب زحير
ذرية نارك عن هبايب نجد في وسـط الـذري
__________________
